مش عارف اقوول اية

كلام كتير بس للاسف ممنوش فايدة

واحساس فظيع بالمرارة

خلى الكلام وقف

متوقف للامتحانات

للاسف قررت التوقف عن الكتابه فى المدونة وذلك لظروف امتحانات نصف العام
وربنا يسترها ويعدى سنة التخرج دى على خير
ادعــــــــــــــــــــولــــــــــى
بــــئـــــــــــه
سلام

عيد اضحى سعيد

منظمة امريكية تحث الشباب الامريكى على العفة

خصصت منظمة أمريكية مكأفاة لكل خطيبين لا يوجد بينهما علاقة قبل الزواج ، في إطار تشجيع المنظمة لثقافة العفة بين الشباب الأمريكي، لكل خطيبين لا يوجد بينهما علاقة قبل الزواج ، في إطار تشجيع المنظمة لثقافة العفة بين الشباب الأمريكي .
وقدرت المنظمة التي تسمى "برنامج التربية من أجل العفة قبل الزواج" المكأفاة بقيمة 10 آلاف دولار،و حددت آخر موعد للتقدم للحصول على الجائزة التي تشترط عذرية الخطيبة قبل ليلة الزفاف في 31 أكتوبر2008.
وصرحت "فيليبا فوست" مديرة المنظمة أن الجائزة تهدف إلى تشجيع الشباب الأمريكي على عدم إقامة علاقات غير شرعية قبل الزواج بعد أن أصبح نادرا العثور على شباب يحترم العفة قبل الزواج .
كما اشترطت المنظمة على المتقدمين لنيل الجائزة عدم تقديم المشروبات الكحولية في حفل الزفاف على أساس أن الخمور من أكثر العوامل التي تساعد على انتشار الرذيلة بين الشباب .
ودعمت الحكومة الفيدرالية الأمريكية المنظمة في مطالبتها للشباب بالعفة قبل الزواج بمبلغ مالي قيمته 3 ملايين دولار لمدة خمسة أعوام يخصص جانب منها لتوعية طلبة المدارس بضرورة "الزواج الأبيض" أي الامتناع عن إقامة علاقات جنسية قبل الزواج . اللافت أنه لم يتقدم حتى الآن أي خطيبين للفوز بالجائزة

هم للاسف مفيش حد اتقدم ويعينى الجايزة راحت عليهم اصل الناس دة مش بتبصعلى جايزة وكلام فاضى من دا

دول الى يهمهم حاجات تانية خالص دا هناك تسال واحدة انتى متجوزة تقولك لا ولكنها سرعان ماتسترسل فى الكلام

انا عندى ولد عندى اتنين .........وكدة يعنى

بس بجد الموضوع الى خلانى انول الموضوع دة ان امريـــــكا ابتدت تفكر فى حاجة زى دة وان هم يشجعوا

الشباب الامريكى الى العفة والطهارة يعنى عندهم اهة نقدر نقول محاولة للاتجاة الصحيح الحاجات دة الى هى

كانت اصيلة فينا بس للاسف احنا مش بناخد من الغرب الا الزبالات بتعتهم

انما كفكر كاسلوب حياة عملية كتقدم انضباط فى المواعيد لا

انما طايرين وراهم ان مكناش معاهم فى الانحطاطات

يا ترى امتى هنقدر نتعامل مع الغرب صح بعيد عن تحريم وتكفير كل حاجة ولا اننا نفتحها ع البحرى

الــكــلاكــيـع

هوانت بتعمل اية

مش مهم انا بعمل اية المهم انى اطلع من الخنقة الى انا فيها دة

طب وهو الخنقة دة سببها ايييييييية

دة يا باشا سببها مجموعة من المسسببات

كل مسبب من المسببات دة قد الكلكيعة وكلها مكلكعة على بعضيها

وكلكيعة على كلكيعة عملت كلكيعات كبييييييييرة

لحد لما انا مبقتش عارف اول الكلكيعة من اخرها وبكدة

دخلت كل الكلاكيع فى بعضها

طب انة لكليكعة الاولانية وانهو الكلكيعة التانية

منا بقولك كلة بقى خلطبيطة فى كلة

طب والمطلوب منى ايية دلوقتى

بص يا باشا بما اننا اصحاب

اة......

طب والصاحب لية عند صاحبة الا اييييييييية

ايييييييية

لا فوق كدة وركز معايا

انا مركز اهو

لية انة يقف جنبة ويساعدة امااااااااال يبقوا صحاب ازاى

طب ما انا واقف جنبك اهة

يووووة دا انا استذكيتك من كل العيال صحابى وانتا هتبديها بالغباوة ولا ايييييية

مش تقف جنبى الى هيا كتفك فى كتفى لا تقف جنبى يعنى تحللى مشاكلى وتساعدنى

انتى الى تبقى توضح كلامك من الاول ولا قول انك عايزنى احللك مشاكلك على طول

هو انتا هتتكسف يعنى

طيب تحب تبدأ من فييييييين

مش بقولك انت شكلك مش مركز معايا

ازاااااى

ماهو لو انت اخت بالك من اول الموضوع كان زمانك عرفت المشكلة

ع العموم انا هبسطلك الامور ع الاخر

احنا وصلنا لحد ان الكلاكيع كلهم كلكعوا فى بعض

المنطق بيقول اية بقى اننا لازم نتبع الاسلوب الاستنباطى الاستدلالى المنطقى الممنهج

المصور البديل وذلك لحل المشكلات

يعنى احنا هناخد الاستدلال نصورة ونبدلة

نصورة ونبدلة.......

اة انا عارف ان التصوير والتبديل دة صعب خلى دول عليا وانت خليك للاستدلال اوك

اووووووووووووووووك -اعدمك ان كنت فاهمك

انا هبدل الكلاكيع ب10 بكرات خيط وهتصورهم انهم مكلكعين فى بعض

يالا انت بقى عليك الاستدلال انة اول الخيط

وتسهيلا ليييييييك 10 بكرات الخيط المكلكعين اهم انا مجهزهم من امبارح

اقعد انت بقى استدل مع نفسك على اول الخيط ورتبهم كدة كويس

عقبال ما اعملى كوباية شاى واقعد ع النت

امممممممم

بقى هو كدة

طب

طاااااااااااااااااخ

الكتابة مزاج

دائما ما ارتبطت معى عادة الكتابة بمود مزاجى رائع فكنت لا اظن انى استطيع الكتابة حينما يكون مزاجى العام
ملئ بالحزن او الشجن وعلى العكس من ذلك تماما اجد نفسى ارغب فى القراة حتى فى احلك الاوقات لعلى اجد ماينفس ما بداخلى او من يعبر عن حالتى النفسية ولكن فى محاولة للتغير بدات بالكتابة على الرغم من المود العام السئ الذى اعيش فية ولكنى وجدت نفسى غارقا فى ذكريات قديمة ولا يشغل بالى سوى هذة الذكريات

الحياة ما قبل الانترنت

الانترنت هى شبكة عملاقة جعلت العالم اصغر من القرية الصغيرة

كما اصبحت منفذا هاما لتبادل الثقافات وعبورها الى اى منطقة فى العالم دون رقيب

السؤال الان هل الانترنت هى مجرد ترفية والسلام؟ ام انها هامة لدرجة كبيرة

واذا كانت هامة فكيف كانت الحياة قبل الانترنت؟

سؤال اخر لك انت شخصيا 

ما الفرق بين حياتك قبل الانترنت وبعدالانترنت؟

وهل الانترنت مضيعة للوقت؟

وماذا اضافت لك الانترنت؟

ماهى عيوب الانترنت من وجهة نظرك؟

كان اخر موضوع لي على مودونتى الغاليه جدا عندى هو انى بعتذرلكم عن عندم وجودى فيها لفترة وزى ما وعدتكم انى هشرح اسباب الغياب  وهى انى سالت الاسئلة الى فوق دة لنفسى قبل ما أسألهالكم وعشان كدة حبيت اجواب على الاسئلة دة عملى

ودة كانت الاجابة

1- انى بعدت عن جانب كبير للتواصل مع الاصدقاء سواء اصحابى الى بقابلهم فى الحياة

او الى انا مبشفهومش الامن خلال الانترنت

2-بعدت عن متابعة الاخبار لحظة بلحظة

3-كما انى ابتعدت عن كثير من المواقع والمنتديات الهامة بالنسبة لى

اما بالنسبة للعيوب

1- اتضح لى كم الوقت الكبير الذى كنت اقضية على الانترنت

2-لم اصل الى اهدافى التى ابحث عنها وذلك لان الفضاء السيبيرى كثيرا ما يسحبك الى اماكن اخرى

3- اما عيوب الانترنت عموما فأنت قبطان سفينتك توجها كيفما تشاء

انا كنت فى منتهى السخافة

ان قررت احكي عن موقف حصلى النهاردة

انا كنت ماشى على ارض المحروسة عادى جدا انا و واحد عزيز عليا وكنت شايف من مسافة كدة
تتقدر بكام متر سيدتين و2 رجالة كانوا صوتهم عالى قوى يمكن يكونوا بيتكلموا بصوت عالى يمكن
وكمان يمكن يكونوا يتخانقوا مع بعض انا قلت فى عقل بالىياااد عادى طب ماهو كل الشعب بقى بيتخانق
اية الغريبة فى الكلام دة دة حتى الى مبيلقيش حد يتخانق معاة بيبقى ماشى فى الشارع بتخانق مع دبان وشة

وكنت انا بدورى قربت خطوات منهم فبيصت بصة عابرة كدة لقيت المشهد الاتى
واحدة من الاتنين الستات دول معاها طفل صغير وهى حطاة فى عربية الاطفال
الى المفروض هى بتبقى بتزقها قدامها وواحد من الاتنين الرجالة كان عمال بيشد
فى العربية بالجامد قوى والواد الصغيركان عمال ييعيط

وبردة وكالعادة قلت ياد خليك فى حالك ولا هوانا هعيش فى دور الحشرى
-ودى للعلم شخصية بكرها جدا - المهم كملت فى طريقى وهم بقوا وراى بردة ب5 او 6 متر
وسبحان الله كان مقدرلى انى اسمع الكلمة السحرية الى فكتلى لغز الموضوع دة
لما الراجل الى كان بيشد العربية قعد يقول بصوت عالى يعنى انتوا - موجها الكلام لجوز الستات-
تضحكوا عليا واصلح العجلة ومخدش غير نص جنية

وانا رحت قلت فى بالى يا نهار ابيض يعنى الخناقة دة عشان نص جنية
طب والله انا كنت فاكر الاول انهم ممكن يكونوا قرايب ولا حاجة وهو بيعزم عليهم- اصلهم كانوا واقفين جمب باب بيت-

عشان الواد الى بيعيط عادى منا قلت يمكن يكون من الصعايدة الغشم الى يقطعللك هدومك عشان يدخلك البيت وييوجب معاك
دة بالنسبة للصعايدة عادى -انا فى تدوينة قادمة ممكن احكيلكم عن الموضوع دة لما حصل معايا-

وانا فضلت ماشى فى طريقى وعمال اكلم نفسى عشان نص جنية طب وفيها لما يصلح العجلة وياحد نص جنية
الله طب ولو هو عايز فلوس تانى يمسك عربية الواد عشان الست متعرفش تمشى
طب وهو مصعبش علية الواد الصغير الى كان عمال بيعيط
وفضلت ماشى وعمال اكلم نفسى من ذهول الموقف العجيب دة

وبعد فترة من المشى وانا لشة بكلم نفسى طب مش ممكن جوز الستات دول مايكنش معاهم فلوس
طب طالما هموا طلعوا مش قاريب زى مانا مكنت نتنيل على عيتى وفاكر
وان الموضوع كلة سببة ان الراجل عايز فلوس اكتر

انا لية محاولتش اساعدهم ولا كنت دفعتلوا الفلوس واطلقت سراح الطفل
الصغير قبل ما اطلق سراح امة

انا كنت فى منتهى السخافة

خليهم حلقة فى ودنك

قال رجل لعلى بن ابى طالب عظنى فقال :

لاتكن ممن يرجو الآخرة بلا عمل ويرجو التوبة بطول الامل

يقول فيها بقول الزاهدين ويعمل فيها بقول الراغبين

اذا اعطى منها لم يشبع وان منع لم يمتنع

ينهى ولا ينتهى ويامر بما لايأتى

يحب الصالحين ولا يعمل عملهم ويبغض المذنبين وهو احدهم

ويكرة الموت لكثرة ذنوبة ويقيم على مايكرة الموت علية

وان سقم ظل نادما وان صح امن لاهيا

تغلبة نفسة على ما يظن ولا يغلبها على ما يستيقن

يخاف على غيرة بادنى من ذنبة ويرجوا لنفسة باكثر من عملة

وان عرضت لة شهوة اسلف المعصية وسوف التوبة

يصف العبر ولا يعتبر يرشد غيرة ويغوى نفسة

ايدى بتقف واسرح

للمرة الددنتاشر الف افتح المدونة واختار انشاء رسالة جديدة وبعد ما اختار العنوان وساعات كمان بعد ما ابدا فى الكتابة

الاقى ايدى وقفت عن الكتابة واسرح والكلام ينوة منى مرة اقول اصل مش هو دة الى عايز اقولة ومرة الكلام ميكملش

وتالتة يكمل وينركن فى المسودة ورابعة اصل ماينفعش انشر الكلام دة

والسبب اية مش عارف بس اكيد خالة التهوان الى انا عايش فيها دة ليها دور كبير

دوامة ومش عارف اطلع منها وادى بحاول وبكتب البوست دة بتلقائية ومن غير ما اراجع الى فية

بس ياريت يكون كلام مفهوم وميبقاش شخابيط

بلد العجائب

بلد العجائب
العجائب  دايما موجودة عندنا
بص وشوف اهراماتنا وكمان ابو الهول
وانزل تحت فى اخر اللوحة هتلاقى المعابد والمسلات
وكمان التماثيل والعملاقة والى عمرك ماهتشوف زيها فى اى مكان تانى

بس للاسف مش هى دة العجائب
الى انا ناوى اتكلم عنها
لانة ببساطة
العجائب
دلوقتى

بقت ولا عجائب الف ليلة وليلة
بقينا خلاص نشوف  الخير والشر  الضوء والظلمة
من الاخر كد كل المتناقضات بقت موجودة  والحمد  للة
ولا اجدع سفسطائى كان ممكن يقدر يعمل الى احنا عملاناة دلوقتى
مش بقولوكم احنابقينا فى زمن العجائب

يالا بقى كل واحد يربط حزامة ويستعد يدخل معايا
لبلد العجائب بص وشوف

والله ما انا عارف ابدا منينين
العجايب كلها داخلة فى بعضها ومشبكة

طبعا لازم نتكلم عن عجائب اسعار السلع الان
الى بتتقلب طبقا لتقلب امزجة التجار واهوائهم  ماهو كل واحد ومزاجة
انما عشان احنا فى زمن العجائب لايقتصر الامر على  ذللك فقط
انما تلاقى حكومتنا المصونة  ليل نهار مصدعاك بالدعم  والى وصل مليارات
عشان خاطر عيونكم انتوا يا مصريين وانى مبقاش فى دول بتدعم زينا كدة
امال لما هى كدة مدعومة امال  لو مفيش دعم تبقى عاملة  ازاى
عجايب

الحق القطر قبل مايفوتك
اكيد   بتشوفوا  الاعلان  دة
يعنى انا طاب  بقالى  16 سنة بدرس
فى مراحل التعليم  المختلفة من ابتدائى لاعدادى  لثانوى وجامعة
عشان تبقى اخرتى تكون عامل فى مصنع
على فكرة دة مش تقليل من عمال المصانع او تحريض على عدم العمل
بس لما هى اخرتها كدة كان لزمتها اية  الدوخة الى دخناها دة فى التعليم
كانت  البلد كلها دخلت صنايع وخلاص
ولا كان بلاها تعليم من اصلة
يعنى هو الى اتعلمة خدوا اية
دا الى كان بيهرب من التعليم واتعلم صنعة
بقى اسطة قد الدنيا
لا وكمان بيشغل تحت ايدة  اتنين تلاتة
من بتوع الكليات
وياريت فية تعليم اصلا
يلا خلى صندوق العجايب يتملى


ولا فتاوى الدين الى بتطلع كل يوم
وكل واحد يحلل حاجات ويحرم حاجات
زى  ماي كون كل واحد  عندة ملة لواحدة
زى واحد يقولك ارضاع الكبير عشان الخلوة
يعنى الى  شغلها بيجمع ما بينها وما بين واحد زميلها  وخايفة  
على نفسها من الفتنة
تقوم
ترضعة 5 رضعات
والغريب ان الرضاعات دة لاتمنع الزواج
وحد تانى  يقولك
التدخين لا يفطر فى  نهار  رمضان
الله
طب مش هو التدخين اصلا حرام شرعا
وشوية
يجى  يقولك
تبادل القبلات بين الشباب  والفتيات عادى
ماهو اصل فية ازمة كبت فى البلد
فلازم اننا  نبحبحا شوية
ماهو مش هيجرا حاجة
دة يادوب
بوسة
يعنى لا هتودى ولا تجيب

انا  رغيت كتير
خلاص هكمل مرة تانية
سلااااااااااااام

لحظة سعادة

لحظات السعادة
اكيد ان اللحظات السعيدة بتبقى
فى حياتنا قليلة

ويمكن هو دة الى بيخلى ناس
تقعقد تدور عن السعادة طول حياتها
ويمكن كمان تعيش وتمون وهى لسة بتدور على السعادة


ويمكن السبب الاساسى فى الموضوع دة
هو اختلاف مفهوم السعادة من شخص لاخر
يعنى بباسطة كدة
ماهو الى ممكن يفرحنى ممكن ميفرحشى حد تانى
وكمان الفرحة متغيرة بتغير الزمان و المكان
يعنى الى يفرح طفل صغير مش هو الى هيفرح واحد فى مرحلة الشاب
و الى هيفرح واحد فى ايام الفراعنة او العصور الوسطى هو الى هيفرح اجيال القرن 21
والى هيفرح واحد فى المدينة مش زى الى هيفرخ واحد فى الارياف


ولكن يبقى ماهو متفق علية بين مختلف الشعوب والازمان والاماكن
طبقا لكوننا جنس بشرى واحد واصولنا كلنا من ادم وحواء

اية كل دة
كل الحكاية يا جماعة انى بجد
حسيت بفرحة يمكن من زمان مفرحتش
او من كتر المشاكل والهموم وكتر التفكير مبقاش فى وقت للفرحة

ما علينا
لحظة السعادة الى بكلمكوا عليها
هى
فرح واحد صاحبى وكمان قريبى

بس بصراحة
الفرحة الى الواحد بيفرحها لفرح حد
بتبقى فرحة جميلة جدا لانها فرحة ليست شخصية
ولو انت بتعرف تفرح لفرح الاخرين او تحزن لحزنهم
فانت انسان حساس ولك قلب عظيم
(انا طبعا مش بقول كدة عشان نفسى بس دة كلام ناس كتير عن الموضوع دة)


انا بصراحة حسيت معاهم انى فعلا فرحان لما لقيت
الفرحة على الوشوش والكل مبسوط وكمان اللمة الحلوة والاهل والاقارب
احساس جميل

وبصراحة كانت لمةحلوة
والليلة كمان كانت حلوة اووى
وكمان العروسة والعريس حلوين اوى
وكانت بجد فرحة من القلب
مش بس كدة
دة كمان كنت بفكر انى ربنا يرزقنى انا التانى
ببنت الحلال الى اكمل معاها مشاورى
وقبلها طبعا لازم
اطلق
العز و بية

يمكن

يمكن اكون بعت شوية عن المدونة  فدة بصراخة مش عارف سببة اية

يمكن عشان جديد فى مجال التدوين            ممكن

يمكن عشان لسة قرائى مش كتير              ممكن


يمكن  عشان انا لسة مش عارف  لكتب  اية بالظبط  او تقدر تقول بمعنى  ادق انى مش عايز المدونة مجرد  يوميات

او نشرة  اخبار   انا عايزها حاجة تجمع مابين كل دول   ومن غير ملل او رتابة


يمكن لكون انسان كسول                    ممكن

يمكن اكون دايما مشغول وفى نفس الوقت بردة  مش بعمل حاجة             ممكن

ويمكن كل دوول مع بعض  ممكن

لكن الى مش ممكن انى ابطل او استسلم

ومواضيعى مستمرة  حتى لو كنت القارئ الوحيد

وقفة احتجاج

الدنيا .......................... مواقف


لما تيجى تسترجعها تفتكر محطاتك فى الحياة

والدنيا ...................... مش مجرد مكان


لا دة كمان زمان واشخاص


والاشخاص .................. مواقف


شخص يقف معاك

و

شخص ميترددش فى انة يببيعك


والمواقف اما ان تكون سعيدة او غير سعيدة


وفى مواقف الابتلا ء يظهر معادن الاشخاص


وانت ماشى فى طريق الحياة


بيجى عليك الوقت

الى بتحس فية انك محتاج وقفة

وقفة مع نفسك

وقفة مع حياتك

ممكن تغير مسارك

وممكن تصر على اكمال المسيرة


وكلنا محتاجين للوقفة دة

سواء لحياتنا الشخصية

او الحياة العامة

وفى نفس الوقت محتاجين

لوقفة احتجاج

وعشان كدة حبيت اجرب

واعمل

وقفة احتجاج

والى ناس كتيير كتر خيرها

سالت عنى فى فترة التوقف الى فاتت

اصل بصراحة موقف شوفتة واثر فيا

الاساءات المتتالية للرسول ص

غزة تحت الحصار

ومواقف

وكتير

حسيت فيها بالضعف

واكتر حاجة تتعبك انك تحس بالعجز

احساس الصفر الى على الشمال

طب احنا نعمل اية ولا اية الى ممكن نعملة

لاقيت ان العيب فينا

قبل مايكون فى غيرنا

احنا الى بقينا صفر ع الشمال

والحل ........... وقفة احتجاج

على فكرة دة مش دعوة للشغب

دة دعوة للتغير

دعوة لتغير نفسك

قبل ما تدعو لتغيير غيرك

غير نفسك .... بالاحتجاج على سلبياتك

غير نفسك ..... بمحاولة اصلاح من هم حولك وليس بمقاطعتهم